The HaitianTax Academy← Retounen sou paj prensipal la

Kondisyon itilizasyon ak enskripsyon

Terms & Conditions

Kondisyon ki aplike lè ou itilize website la, enskri oswa patisipe nan yon pwogram The Haitian Tax Academy.

Dènye mizajou: 12 out 2026

Byenveni sou haitiantaxacademy.com. The Haitian Tax Academy se yon pwogram fòmasyon Proselink LLC, yon konpayi ki anrejistre nan Delaware.

Lè ou vizite website la, ranpli yon fòm, fè yon peman oswa enskri nan yon pwogram The Haitian Tax Academy, sa vle di ou li, konprann epi aksepte kondisyon ki nan dokiman sa a.

1. Kalifikasyon pou enskri

Ou dwe gen omwen 18 an pou enskri nan The Haitian Tax Academy.

Ou dakò pou bay enfòmasyon ki kòrèk, konplè epi aktyèl pandan enskripsyon an. Proselink LLC ka refize oswa anile yon enskripsyon si enfòmasyon moun lan bay yo fo, enkonplè oswa twonpe.

2. Deskripsyon fòmasyon an

The Haitian Tax Academy ofri fòmasyon sou preparasyon Tax Return endividyèl an Kreyòl.

Fòmasyon prensipal la ka gen ladan:

  • 4 semèn fòmasyon;
  • 2 sesyon pa semèn;
  • Klas an dirèk sou Zoom;
  • Egzanp ak egzèsis pratik;
  • Aksè ak replay klas yo;
  • Certificate of Participation;
  • Aksè ak software, selon kondisyon Proselink yo;
  • Sipò pandan patisipan an rete aktif anba EFIN sibsidyè konpayi an;
  • Aksè nan yon gwoup WhatsApp prive.

Orè, dat, enstriktè ak kontni pwogram nan ka chanje si sa nesesè. Akademi an ap fè efò rezonab pou enfòme elèv yo sou nenpòt chanjman enpòtan.

Disponibilite klas maten, klas aswè oswa klas weekend ap depann de kantite moun ki enskri ak orè akademi an.

3. Objektif edikatif fòmasyon an

Fòmasyon an fèt pou rezon edikatif. Li pa reprezante konsèy legal, finansye oswa konsèy taks pèsonalize pou yon sitiyasyon espesifik.

Lwa, règ, fòm ak pwosedi IRS yo ka chanje. Chak preparatè gen responsablite pou verifye règ ki aplikab pou ane fiskal li ap travay sou li a.

The Haitian Tax Academy pa garanti fòmasyon an ap ranplase tout lòt fòmasyon, lisans, anrejistreman oswa kondisyon IRS ak leta kapab egzije.

4. Certificate of Participation

Certificate The Haitian Tax Academy bay la se sèlman yon Certificate of Participation.

Certificate la konfime elèv la te patisipe nan yon fòmasyon sou preparasyon taks avèk The Haitian Tax Academy. Li pa reprezante:

  • Yon lisans pwofesyonèl;
  • Yon certification IRS;
  • Yon Enrolled Agent credential;
  • Yon diplòm leta rekonèt;
  • Yon garanti travay;
  • Yon garanti moun lan kalifye pou itilize yon EFIN;
  • Yon garanti moun lan ap fè lajan kòm preparatè taks.

Pou resevwa certificate la, elèv la dwe:

  1. Patisipe nan omwen 80% klas yo;
  2. Fini pwogram fòmasyon an.

5. Pri ak peman

Pri nòmal fòmasyon an se $500, sof si yon lòt pri oswa pwomosyon parèt klèman sou website la oswa nan yon òf ekri.

Tout peman sou website la fèt atravè Stripe oswa yon lòt sèvis peman Proselink LLC otorize.

Enskripsyon an konsidere kòm konfime sèlman apre peman an reyisi epi elèv la resevwa konfimasyon.

Pri ak pwomosyon yo ka chanje pou enskripsyon alavni. Yon chanjman pri pap chanje kantite lajan yon elèv te deja peye pou menm gwoup klas la.

6. Règleman sou refund

Elèv la ka mande yon refund sèlman anvan premye klas pwogram li an kòmanse.

Demann refund lan dwe voye alekri nan contact@haitiantaxacademy.com.

Demann lan dwe rive anvan premye klas pwograme nan kòmanse. Depi premye klas la kòmanse, peman an vin non-refundable, menm si elèv la:

  • Pa patisipe nan premye klas la;
  • Chanje lide;
  • Gen yon konfli nan orè li;
  • Pa fini fòmasyon an;
  • Pa itilize replay yo;
  • Pa itilize software la;
  • Pa rantre nan gwoup WhatsApp la;
  • Pa satisfè kondisyon pou resevwa certificate la;
  • Retire tèt li nan pwogram nan;
  • Pèdi aksè li akoz yon vyolasyon règ yo.

Si Proselink LLC anile tout pwogram nan epi li pa kapab bay yon lòt dat rezonab, elèv la ka chwazi transfere peyman li nan yon lòt gwoup oswa resevwa yon refund.

Anvan yon elèv depoze yon payment dispute oswa chargeback, li dwe kontakte Proselink LLC pou bay konpayi an yon opòtinite rezonab pou verifye epi rezoud pwoblèm nan.

7. Prezans, Zoom ak responsabilite teknik

Elèv la responsab pou li genyen:

  • Yon koneksyon entènèt ki stab;
  • Yon òdinatè oswa aparèy ki konpatib;
  • Yon adrès imel aktif;
  • Zoom ak lòt aplikasyon klas la mande;
  • Yon espas ki pèmèt li suiv klas la;
  • Enfòmasyon koneksyon li bezwen pou antre nan sesyon yo.

The Haitian Tax Academy pa responsab pou klas yon elèv rate akoz pwoblèm entènèt, aparèy, kouran, Zoom, imel oswa lòt pwoblèm teknik ki pa anba kontwòl akademi an.

8. Aksè ak replay klas yo

Elèv la ap jwenn aksè ak replay klas li yo pandan yon ane, apati dat premye klas pwogram lan kòmanse.

Aksè ak replay yo:

  • Se pou itilizasyon pèsonèl elèv la sèlman;
  • Pa ka transfere bay yon lòt moun;
  • Pa ka revann;
  • Pa ka repibliye sou rezo sosyal oswa lòt platfòm;
  • Ka sispann si elèv la vyole kondisyon sa yo.

Aksè pandan yon ane pa vle di aksè pou tout lavi.

9. Software ak itilizasyon EFIN lan

Aksè ak software la oswa posiblite pou travay anba EFIN lan pa transfere pwopriyetè EFIN nan bay elèv la.

EFIN nan rete pwopriyete Proselink LLC ak sibsidyè yo oswa konpayi ki legalman otorize pou itilize li. Li pa vann, lwe oswa transfere bay elèv la.

Pou itilize software a oswa travay anba EFIN lan, patisipan an ka oblije:

  • Gen yon PTIN aktif lè sa obligatwa;
  • Fini pwosesis onboarding Proselink lan;
  • Verifye idantite li;
  • Bay enfòmasyon biznis li;
  • Siyen lòt kontra oswa compliance agreements;
  • Respekte règ IRS, règ software la ak pwosedi Proselink yo;
  • Travay sèlman nan lokal oswa aranjman Proselink otorize;
  • Pwoteje enfòmasyon kliyan yo;
  • Respekte due diligence;
  • Patisipe nan lòt fòmasyon compliance si Proselink mande sa.

Patisipan an ap kontinye jwenn aksè ak software a ak sipò toutotan li rete aktif anba EFIN konpayi a epi li respekte tout kondisyon ki aplikab yo.

Proselink LLC ka limite, sispann oswa retire aksè ak software a, EFIN nan oswa sipò a si:

  • Gen itilizasyon san otorizasyon;
  • Gen risk fwod oswa identity theft;
  • Moun lan pataje login oswa lòt enfòmasyon sekirite;
  • Moun lan prepare oswa soumèt fo Tax Return;
  • Moun lan kreye fo income, fo depans oswa fo dependents;
  • Moun lan pa respekte due diligence;
  • Moun lan mete done kliyan an danje;
  • IRS, software provider la oswa yon otorite mande sa;
  • Relasyon pwofesyonèl moun lan avèk Proselink fini;
  • Gen lòt vyolasyon règ Proselink oswa IRS yo.

Yon sispansyon oswa revokasyon ki fèt akoz yon vyolasyon grav pap bay moun lan dwa ak yon refund.

10. Pwoteksyon EFIN ak done kliyan yo

Elèv oswa preparatè a pa gen dwa:

  • Pataje EFIN nan;
  • Pataje username, password oswa verification code;
  • Kite yon moun ki pa otorize itilize software a;
  • Mete Social Security Number, dokiman idantite oswa done kliyan nan gwoup WhatsApp;
  • Montre enfòmasyon reyèl yon kliyan pandan klas la;
  • Telechaje done kliyan sou yon sèvis ki pa otorize;
  • Sèvi ak EFIN nan andeyò relasyon oswa lokal Proselink otorize a.

Si yon elèv sispèk yon login, software account oswa EFIN konpwomèt, li dwe enfòme Proselink LLC oswa sibsidyè a touswit.

11. Sipò apre klas

Sipò a ap kontinye pandan patisipan an rete aktif anba EFIN Proselink lan epi li respekte tout kondisyon compliance yo.

Sipò a ka gen ladan asistans jeneral sou software, preparasyon taks ak pwosedi Proselink yo. Sipò a pa vle di sèvis disponib 24 sou 24 oswa yon garanti chak kesyon ap jwenn yon repons touswit.

Orè, metòd ak limit sipò yo ka kominike separeman.

12. Gwoup WhatsApp ak konpòtman elèv yo

Gwoup WhatsApp prive a fèt pou kominikasyon, sipò, rapèl ak enfòmasyon ki gen rapò ak fòmasyon an.

Manm yo dwe:

  • Trete lòt moun avèk respè;
  • Pa fè menas, arasman oswa diskriminasyon;
  • Pa fè spam;
  • Pa poste kontni ilegal oswa twonpe;
  • Pa vann sèvis san pèmisyon;
  • Pa pataje materyèl akademi an;
  • Pa pataje enfòmasyon konfidansyèl kliyan;
  • Pa bay lòt moun link gwoup prive a san otorizasyon.

Proselink LLC ka retire nenpòt moun ki vyole règ sa yo.

13. Pwopriyete entelektyèl

Logo, videyo, replay, prezantasyon, workbook, script, fich travay, metòd, grafik ak lòt materyèl The Haitian Tax Academy yo se pwopriyete Proselink LLC, sibsidyè oswa yo itilize avèk otorizasyon.

Enskripsyon an ba elèv la yon aksè pèsonèl, limite, non-transferable pou aprann.

San otorizasyon ekri, elèv la pa gen dwa:

  • Kopye materyèl yo;
  • Revann yo;
  • Pibliye yo;
  • Tradui yo pou distribisyon;
  • Anrejistre klas yo;
  • Pataje replay oswa login li;
  • Itilize materyèl yo pou kreye yon lòt klas;
  • Mete tout materyèl yo nan yon sistèm AI oswa yon lòt platfòm pou repwodui yo.

14. Sèvis lòt konpayi

Website la ak fòmasyon an ka itilize sèvis lòt konpayi, tankou Stripe, Resend, Zoom, WhatsApp, hosting providers ak tax software providers.

Chak sèvis gen pwòp kondisyon ak règleman sou vi prive. Proselink LLC pa kontwole tout desizyon, pann, chanjman oswa aksyon sèvis sa yo.

15. Kominikasyon

Lè yon moun bay enfòmasyon kontak li, Proselink LLC ka voye mesaj ki gen rapò ak:

  • Enskripsyon;
  • Peman;
  • Rapèl klas;
  • Chanjman orè;
  • Zoom;
  • Software;
  • Sipò;
  • Gwoup WhatsApp;
  • Òf ak pwomosyon, lè moun lan bay konsantman li;
  • Apèl ak mesaj tèks swivi.

Moun lan ka mande pou li pa resevwa mesaj pwomosyon ankò. Sepandan, pandan li enskri oswa aktif anba EFIN lan, li ka toujou resevwa mesaj ki nesesè pou klas, sekirite, peman oswa compliance.

16. Pa gen garanti sou rezilta

Proselink LLC ak The Haitian Tax Academy pa garanti:

  • Travay;
  • Kliyan;
  • Revni;
  • Pwofi;
  • Yon kantite Tax Return;
  • Yon kantite refund;
  • Apwobasyon PTIN oswa EFIN;
  • Siksè nan yon biznis taks;
  • Rezilta finansye;
  • Software san pann;
  • Chanjman IRS pap afekte kontni fòmasyon an.

Rezilta chak moun ap depann de efò, konpetans, konsistans, compliance, mache kote li ye a, eksperyans li ak lòt faktè.

17. Limit responsabilite

Nan limit lalwa pèmèt, Proselink LLC pap responsab pou domaj endirèk, pèt revni, pèt kliyan, pèt done, desizyon IRS, reta nan refund, pann yon sèvis lòt konpayi oswa move itilizasyon materyèl ak software yo.

Si Proselink LLC ta responsab pou yon reklamasyon ki gen rapò ak fòmasyon an, responsabilite total la pap depase kantite lajan elèv la te peye pou fòmasyon ki lakoz reklamasyon an, sof kote lalwa pa pèmèt limit sa a.

18. Responsabilite pou vyolasyon

Patisipan an responsab pou domaj, penalite, reklamasyon oswa depans ki soti nan:

  • Fo enfòmasyon li bay;
  • Move itilizasyon EFIN oswa software la;
  • Vyolasyon dwa lòt moun;
  • Vyolasyon sekirite;
  • Pataje done kliyan san otorizasyon;
  • Tax Return li prepare oswa soumèt;
  • Vyolasyon lwa, règ IRS oswa kondisyon sa yo.

19. Sispansyon ak revokasyon

Proselink LLC ka sispann oswa retire yon moun nan klas, replay, software, gwoup WhatsApp oswa relasyon EFIN nan si moun lan vyole kondisyon sa yo oswa mete Proselink, kliyan oswa lòt elèv an danje.

Lè sa posib, Proselink ka bay yon avètisman. Pou fwod, risk sekirite, arasman oswa vyolasyon grav, aksè a ka sispann touswit.

20. Lwa ki kontwole kondisyon yo

Kondisyon sa yo ap entèprete dapre lwa Eta Delaware, san konsiderasyon pou règ sou konfli ant lwa.

Nenpòt pwosedi legal ki gen rapò ak kondisyon sa yo dwe fèt nan yon tribinal ki gen otorite nan Delaware, sof si lalwa egzije yon lòt kote.

21. Chanjman nan kondisyon yo

Proselink LLC ka modifye kondisyon sa yo lè sèvis, teknoloji oswa lwa yo chanje.

Nou pral mete nouvo dat mizajou a sou paj sa a. Chanjman enpòtan ki afekte yon pwogram yon elèv deja peye pou li pap aplike retroaktivman yon fason ki retire dwa elèv la te deja genyen, sof si lalwa oswa sekirite egzije sa.

22. Separasyon kondisyon yo

Si yon tribinal deside yon pati nan kondisyon sa yo pa aplikab, rès kondisyon yo ap kontinye valab.

23. Kontakte nou

Proselink LLC
The Haitian Tax Academy
8 The Green Ste A
Dover, DE 19901

Imel: contact@haitiantaxacademy.com
Telefòn: 302-687-9015
Website: https://www.haitiantaxacademy.com